رسالة تدمي القلب من شاب توفي شقيقه بحادث على الصحراوي

صحافة نت الأردن - الأخبار : الوكيل الاخباري - مجدي الباطيةتناقل ناشطون على مواقع التواصل الاجتماعي رسالة مؤثرة وجهها الشاب احمد القرارعة للسائقين عقب وفاة شقيقه العشريني بحادث سير على الطريق الصحراوي قبل ايام.وقال في الرسالة : "هالمنشور رسالة من شخص فقد اخ بعمر ٢٦ سنة قبل ست ايام بحادث سير على الطريق الصحراوي وكان معه صاحبه بالثلاثينيات كمان وتوفى ودموعي والله لسا ما نشفن عليه واجب علي انشره ورح انسأل عنه يوم القيامة".وأضاف: "اسألكو بالله اولا وبكل شي غالي عليكو فردا فردا كل ما تقعد ورا الستيرنج اتذكر امك، ابوك، اخوانك، خواتك، اولادك، صحابك... اذا انت مش مهتم لحياتك اهتم الهم ولمشاعرهم وخواطرهم ولا تكسرهم، والله العظيم السواقة ما عليها كبير ولا خبير، حديد في حديد مجمع عبعضه وانت جواه، راس ماله مجرد زلة او سهوة او حتى خطأ من سائق ثاني".واشار : " لا تسرع ولا تستعجل شو ما كان ظرفك، اخرتك توصل، لا تقلي دوام ولا موعد ولا غيره، ما في شي بسوى دمعة امك ولا هدة حيل ابوك ولا كسر ظهر اخوك ولا تيتيم ولادك".وقال في نهاية الرسالة " سايق عليكو الله لا تخلو هالمنشور هاذ هيك مجرد منشور قرأته عالفيس وتعديت عنه، احفظه عندك وضلك ارجعله دايما، والله لا بدي منه كسب تعاطف ولا شفقة ولا شي الحمدلله احنا عيلة مؤمنه وراضيين بحكم ربنا، واللي صار صار بس ما بدنا اياه يصير مع اي شخص ثاني، وما بدي منكو الا انه تتذكرو دايما انكو شباب وفي ناس كثير باني عليكو آمال واحلام ومستنين يشوفوكو باعلى المراتب ومن احسن الناس، لا تصدموهم وتفجعوهم وتكسرو ظهورهم ، وادعو لاخوي وصاحبه".اظهار أخبار متعلقةاظهار أخبار متعلقةاظهار أخبار متعلقةاظهار أخبار متعلقة

صحافة نت الأردن : رسالة تدمي القلب من شاب توفي شقيقه بحادث على الصحراوي

نشر بتاريخ : الأربعاء 2019/09/11 الساعة 02:21 م

- أخبار آخرى الآن في صحافة نت الأردن



الاكثر زيارة في صحافة نت الأردن

( صحافة نت الأردن ) محرك بحث إخباري لا يتحمل أي مسؤولية قانونية عن المواد المنشورة فيه لانها لا تعبر عن رأي الموقع..